www.jno0on.yoo7.com
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 29طريقة لعلاج الزهــــــــــــق للبنات فــــقــــــط

اذهب الى الأسفل 
كاتب الموضوعرسالة
MeMo0o

avatar

عدد المساهمات : 75
تاريخ التسجيل : 20/04/2008

مُساهمةموضوع: 29طريقة لعلاج الزهــــــــــــق للبنات فــــقــــــط   الأربعاء مايو 14, 2008 3:46 am

هاي...
كيفكو بنات انشاء الله بخير..؟

هذي وسائل لعلاج الزهق داخل البيت ، وعلى فكرة تراها للبنات لان الولد اذا زهق ركب سيارته وانقلع يفرفر..

--------
1- امسكي التلفون وكلمي صديقة من زمااان ماكلمتيها..
واسترجعوا ذكرياتكم مع بعض اول..
منها راح تمشين وقتك ومنها راح تجددون علاقتكم ومنها تشغلين التلفون 12 ساعة..

2- اطلعي الحوش ولا السطح وافرشيلك فرشة وانسدحي على ظهرك وتاملي النجوم واسترخييييييي وتاملي؟!؟!؟

3- قصي اطراف شعرك..كل مازهقتي روحي عند المراية وقصي الاطراف (بس شوي شوي منها).. اراهن انكم بتصلعون على هالحالة..

4- امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواشات وكل شيء..

5- روحوا السوبر ماركت وامسكوا العربية ودوروا فيها وصقعوا بخلق الله وقولوا : اووه آسفة مادريت..

6- امسكي ريموت كونترول واحذفي كل المحطات من الرسيفر وارجعي حطيهم من جديد (هذا وجهي ان رجعتي منهم شي)..

7- تحدوا انفسكم تقعدون نص ساعة كاملة بدون ماتتكلمون مع اي احد او تفتحون فمكم.. نص ساعة طبعاً بوجود الجميع (مااحد يقدر يسويها)..

8- امسكي منشفة وفكي الشبابيك ونظفيهم..

9- سوي عصير برتقال واشربيه؟؟؟ هههههههه.. حلوة ذي..

10- اذا زهقنا نحفظ اي صور من القران (العجمي ولا البراك ولاماهر) ونقعد نحفظهم وبعدين نسكر المسجل ونقراء السوره لحالنا....

11- اقروا مجلة اطفال (ميكي وماجد)..

12- البسي ملابس رجال ثوب وغترة وخرعوا اهلكم..

13- خذوا المسجل وتسمعي اناشيد اسلاميه
14- افتحي نوتة التلفونات واختاري ارقام من العائلة ودقي عليهم وسوي حركة صلة رحم..

15- نظفوا ماسنجركم.. سووا ديليت للناس اللي من زمان عنهم مادخلوا.. وبلوك للناس الثقيلين الدم..

16- روحوا مواقع بطاقات وكاردات وارسلوا لصديقاتكم..

17- الفي مسجات جوال ونكات ماسنجر.. خذي مجلات فواصل وديوان خالد الفيصل وطلعي منه ابيات شعر تصلح نكااات للماسنجر واكتبيها بورقة..

18- ادخلي غرفتك وحطي مكياج كاااامل كانك رايحة لعرس ولطخي وجهك تلطخ وتصوري ..حركة صح؟ ههههههههههههههه..

19- امسكي دفتر تلوين اطفال واقعدي لوني.. حلوة ذي بعد..

20- اذا زهقتي افتحي دولاب ملابسك واقعدي قيسي ملابسك بدلة ورا الثانية.. يمكن يجي الصبح ماخلصتي من كثرهم..

21- روحي المطبخ سوي كيكة (هذا وجهي اذا احد اكلها)..

22- سوي ايميل جديد واقعدي العبي على اللي تعرفينهم..

23- تعلموا لغة غريبة.. مثلا كلمات معنية باحد اللغات واقعدوا اكشخوا فيهم وتفلسفوا فيهم..

24- اركبي السيارة وهي موقفة جوا البيت وكأنك تسوقين..

25- اطلعي وانزلي الدرج عشرين مرة.. منها تتمشين ومنها تنحفين.. ذبحتكم القعدة والفضاوة..

26- اقعدي على الكومبيوتر وحوسيه زي العادة..

27- اطلعي الحوش.. وصيديلك حشرة لطيفة (عنكبوتة مثلا ) وحطيها بعلبة واقعدي راقبيها.. بس لا تخلونها وقت طويل عشان ماتتعذب.. والله من العطف عندكم يالبنات..

28- خذي مجلات قديمة واقعدي قصقصي صور ولزقيها بلوحة (بتطلع المواااااهب)..

29- اطلعوا حوشكم ..والعبي كورة..وكسري انوار البيت..

هههههههههههههه.. ويالله إن شاء الله تستفيدون منها يابناااااااااات..:شراااااااااااايكم ؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
29طريقة لعلاج الزهــــــــــــق للبنات فــــقــــــط
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
♥.. jno0on .. ♥ :: ? .. منتديات التسليه .. ? :: .. الصور والتعليق ..-
انتقل الى: